Jarduerak

Haur Hezkuntzako 4 eta 5 urteko geletako haurrak jarduera fisikoan hasten dira psikomotrizitatearen bidez, Bernard Aucouturier-en ikuspegitik, non ezagutzaren, emozioaren eta mugimenduaren artean ezartzen den elkarreraginak balio handiagoa ematen baitio pertsonaren garapenerako.

Eskubaloiko etaparen aurretik, Lehen Hezkuntzako 1. eta 2. mailetako haurrek (5 eta 7 urte bitartekoak) Hezikiren modalitatean parte hartzen dute. Heziki Bizkaiko Foru Aldundiaren kirol aurreko jarduera da, eta parte-hartzaileek beren etapako mugimen-trebetasun espezifikoak garatzen dituzte.

ELKAR Guraso Elkarteak, eskola kirolaren barruan, Lehen Hezkuntzako 3. eta 6. maila bitarteko haurrentzako (7 eta 12 urte bitartekoak) eskubaloi jarduera antolatzen du Kukullaga HLHI-n eta gure klubak jarduera horretan izena emandako taldeak entrenatzen ditu.

Denboraldi bakoitzaren amaieran (ekaina eta uztaila), Lehen Hezkuntzako 3. mailatik aurrerako haurrek hondartzako eskubaloiaren modalitatean parte hartzen dute. Bizkaiko Eskubaloi Federazioak sustatzen du, Bizkaiko Foru Aldundiaren Eskola Kirolaren Programaren barruan.

Denboraldia amaitutakoan, eskubaloira, kirolera eta, oro har, jarduera fisikora bideratutako jarduerak planteatzen ditugu; modu ludikoan, hezigarrian eta integratzailean; 4 eta 14 urte bitarteko haurrei irekia, nahiz eta diziplinak ezagutu ala ez.

  • PSIKOMOTRIZITATE UDALEKUA (4 eta 6 urte bitarteko umeak).

  • ETXEBARRIKO ESKUBALOI KANPUSA (6 eta 11 urte bitarteko umeak).

  • APARTEKO ESKUBALOI KANPUSA (11 eta 14 urte bitarteko umeak).